Wednesday, July 17, 2019

ഓരോ  സ്കൂള്‍ ദിനവും സവി ശേഷ മാണ് . അതുപേക്ഷിച്ചു പോരാനാകുന്നില്ല ."കോ യസ്സന്‍"  വായന നടക്കുകയാണ് .കോയസ്സന്‍ അപ്പുവിനോട് പറയുന്നു .അപ്പു  പഠിച്ചു വലുതാകുമ്പോള്‍ എന്റെ മകന്‍ കുഞ്ഞാലുവിനെ ഡ്രൈവര്‍ ആക്കണേ എന്ന് .
അപ്പുവിന്റെ വീട്ടിലെ  കുതിരക്കാരനാണ് കോയസ്സന്‍ .
അവര്‍ക്കിനി  അയാളെ വേണ്ട .
കാറ് വാങ്ങി ഉണ്ണി മാമന്‍ എന്ന ഡ്രൈവറും എത്തി .
കോ യസ്സനെ പിരിയാനാകാത്തത് അപ്പുവിനു മാത്രമാണ് .എങ്കിലും മകനെ ക്കുറിച്ചുള്ള അയാളുടെ വിലയിരുത്തല്‍ അപ്പുവിനു പിടിച്ചില്ല .
അവന്‍ മനസ്സില്‍ പറഞ്ഞു .
കുഞ്ഞാ ലു ഡോക്റ്റര്‍ ആയാലോ
അതേ .അത് തന്നെ ആയിരുന്നു വിഷയം
അച്ഛനമ്മ മാരുടെ  ക്ഷീണിച്ച അവസ്ഥയില്‍ നിന്നു ...മിന്നി ത്തിള ങ്ങിയ എത്ര മുത്തുകള്‍ ....
പ്രതീക്ഷിച്ചത് പോലെ പൊടുന്നനെ  ആ പേരു വീണു
ടീച്ചറെ ...ശ്രീധന്യചേച്ചിയെ ക്കുറിച്ച് ഞാന്‍ വായിച്ചിട്ടുണ്ട്
അതേല്ലോ /
ശ്രീധന്യ ഐ എ എസ്

ഉറൂബ്  എന്ന ലോകോത്തര കഥാകാരന്‍  ,,കഥ ജീവിതമാകുന്നത് കുട്ടികളോട് പറഞ്ഞു കൊണ്ടേ യിരിക്കുന്നു .

Friday, June 21, 2019

ക ത്തെ ഴു ത്താണ് വിഷയം . പ്രക്രിയ  സ്വന്തം രചനയിലേക്ക് കടന്നപ്പോള്‍  ബെല്‍ മുഴങ്ങി ".വീട്ടില്‍ വച്ചു എഴുതി നോക്കട്ടെ ?"
ആവാം .എന്ന് മറുപടി പറഞ്ഞു .
ഇന്ന് ക്ലാസ് ആരംഭിച്ചപ്പോള്‍ ഒരാള്‍ ചോദിച്ചു
ഞാനെഴുതിയ കത്ത് വായിക്കുകയാണ് .
എല്ലാവരും കാതു കൂര്‍പ്പിച്ചു .
എത്ര മനോഹരമായി എഴുതിയിരിക്കുന്നു
സന്തോഷം തോന്നി
ഉടനെ മറ്റൊരാള്‍ .എനിക്കും വായിക്കണം
വായിച്ചോളൂ .എന്ന് ഞാന്‍
വായിച്ചു .തികച്ചും പുതുമ .കൊള്ളാം .
തുറന്ന് അഭിനന്ദിച്ചു .
പെട്ടെന്ന് ഒരു ഐഡിയ തോന്നി .
ഇനിയൊരാള്‍ വായിക്കുമ്പോള്‍  മറ്റുള്ള ബുക്കുകള്‍ ഒന്ന് നോക്കാം .
ആരും വായനയ്ക്ക് മുന്നോട്ടു വന്നില്ല
രണ്ടു പേരെഴുതിയ കത്തുകളിലെ  വാക്യങ്ങള്‍ ചിലത് ഞാന്‍ ബോര്‍ഡില്‍ കുറി ച്ചിരുന്നു .
ബുക്കുകള്‍ നോക്കി ത്തുടങ്ങി
ആദ്യം വായിച്ച കത്തിന്റെ കോപ്പി !
വേറൊരു വശ ത്ത് നിന്നും  നോക്കി ത്തുടങ്ങി
രണ്ടാമത് വായിച്ചതിന്റെ പകര്‍പ്പ് !
പകച്ചു പോകാതെ  ആലോചിച്ചു
ചുണ്ടില്‍ ചിരി പര ന്നു
ഒന്നാമത്തെ ആള്‍ മെല്ലെ എഴുന്നേറ്റു
ടീച്ചര്‍ ,ലേബര്‍ ഇന്ത്യ .....
രണ്ടാമത്തെ ആളും എഴുന്നേറ്റു
ടീച്ചര്‍  ,,,ട്യുഷന്‍ ക്ലാസ് .
രണ്ടു  വൈറസ്സുകള്‍  ഭാഷാ ക്ലാസിനെ കീഴടക്കിയിരിക്കുന്നു .
ഞാന്‍ ചിരിച്ചു കൊണ്ട് തന്നെ പറഞ്ഞു .
രണ്ടും എനിക്ക് വിരോധമില്ല .പക്ഷെ  ഇവിടെ അത് ഒഴിവാക്കാന്‍ ദയവുണ്ടാകണം .
അവര്‍ അംഗീകരിച്ചു
പ്രക്രിയ തുടര്‍ന്നു
ടീച്ചര്‍ വേര്‍ഷന്‍ സമയമായി
ഞാനെഴുതി തയാറാക്കിയ ചാര്‍ട്ട് അവര്‍ വായിക്കാന്‍ തുടങ്ങി
ഇനി ?
ഇതെന്റെ താണ് .ആര്‍ക്കും കോപ്പി ചെയ്യാന്‍ അവകാശം ഇല്ല .
നിങ്ങളും  ചാര്‍ട്ടുകള്‍  എഡിറ്റ്‌ ചെയ്തു ഇപ്പോള്‍  എഴുതിയിട്ടുണ്ടല്ലോ .
മെച്ച പ്പെടുത്താന്‍ കഴിയുമോ എന്ന് നോക്കൂ
അവര്‍ തലയാട്ടി .
ആ തലയാട്ടല്‍  ഒരു തകര്‍പ്പന്‍ മന സ്സമ്മതം ആണ് .










Thursday, June 20, 2019

നമ്മുടെ  രാജ്യത്ത്  കുട്ടികള്‍ക്ക് നല്‍കുന്ന ദിശാബോധം എത്തരത്തില്‍ ഉള്ളതാണ് ?
ഇന്ന് ഒരനുഭവം ഉണ്ടായി . ഒരു ചര്‍ച്ചാ ക്ലാസില്‍ പങ്കെടുക്കുകയാണ് .
ഒരു പെണ്‍കുട്ടി ചോദിച്ചു .ടീച്ചര്‍ രാജസ്ഥാനില്‍ നിന്നാണോ ?പാകിസ്ഥാനില്‍ നിന്നാണോ ?കണ്ടാല്‍ അങ്ങനെ തോന്നും .
പെട്ടെന്ന് മനസ്സില്‍ ഒരിടിവാള്‍ മിന്നി
പാകിസ്ധാനിലെങ്കില്‍ ....
കേള്‍ക്കുന്നതിനു മുന്നേ അവള്‍ അലറി ."ഗെറ്റ് ഔട്ട്‌ ആന്‍ഡ്‌  ഗോ  റ്റു  പാകിസ്ഥാന്‍ "
ഒരു നിമിഷം ഞാന്‍ പതറി എന്നത് സത്യം .
അവളുടെ കൂട്ടുകാര്‍ അതാവര്‍ ത്തിച്ചു
മെല്ലെ പതിഞ്ഞ ശ ബ്ദത്തില്‍ ഞാന്‍ ചോദിച്ചു .
ഞാനെന്തിനു പാകിസ്ഥാനില്‍ പോകണം ?
"അവര്‍ നമ്മുടെ പാവം സൈനികരെ ചുട്ടു കൊല്ലുന്നു "

"അപ്പോള്‍ അഭിനന്ദന്‍ വര്ധമാന്‍ മടങ്ങി വന്നതോ "?അവര്‍ പരസ്പരം നോക്കി .ഒരു പട്ടാള ഭരണ കൂടം അവരുടെ അജണ്ട യ്ക്കനുസരിച്ച്  പ്രവര്‍ത്തിക്കും
പക്ഷെ അവിടെ നിന്നെയും എന്നെയും പോലെ നിഷ്ക്കളങ്ക രായ  ജനങ്ങള്‍ ജീവിക്കുന്നു .
ടീച്ചര്‍ പാകിസ്ഥാന്റെ  സൈഡ് പറയുന്നു .ഒരുവള്‍ക്ക്‌ കലി കയറി .
ഇല്ല .ഞാന്‍  പക്ഷം പിടിക്കില്ല .പക്ഷെ  ശത്രുക്കളായി  ലോകത്തെ  മനുഷ്യരെ  മുദ്രകുത്തുന്നതിനു ഞാന്‍ എതിരാണ് .
യുദ്ധം  ഒരു രാഷ്ട്രീയ തീരുമാനമാണ്
മലാല യുസഫ് സായ് ക്കു വെടി  യേറ്റ പ്പോള്‍ നിങ്ങള്ക്ക്  സങ്കടം ഉണ്ടായില്ലേ ?
ആ കാരുണ്യം  മതി .നമ്മള്‍  മനുഷ്യരാകാന്‍ .

അവരുടെ  ഒച്ച കുറഞ്ഞു ."പിന്നെ എന്തിനാണ് ടീച്ചര്‍  ഇങ്ങനെ ?
അത് വിഭജന ത്തിന്റെ ചരിത്രമാണ് .
എന്തിനാ നമ്മുടെ രാജ്യം പകുത്തത് ?
എവിടെയോ  സമയം തീര്‍ന്നു  എന്നുള്ള ബെല്‍ മുഴങ്ങി .
പിന്തുടരാന്‍ ആരുമില്ലാത്ത  ബ്ലോഗ്‌ ദുരന്ത മായിരിക്കാം .എങ്കിലും ഇന്ന് എനിക്ക് ഇതുപേക്ഷിക്കാന്‍ വയ്യ .
നഗരത്തിലെ വലിയ വിദ്യാലയമാണ് എന്റേത് .ഭൌതിക സാഹചര്യങ്ങള്‍ മെച്ച പ്പെടുത്തി ക്കൊണ്ടേ യിരിക്കുന്നു .എങ്കിലും എല്‍ പി യു പി ക്കു  ഞാന്ഗ്രഹിക്കും വിധം ഒരു വായന ശാ ലയില്ല . അതിഥി ക്ലാസുകള്‍  മിക്കവാറും ദിനങ്ങളില്‍ അധ്യയന സമയം നഷ്ട മാകാതെ  നടത്താറുണ്ട്‌ .വിവിധപ്രവര്‍ത്തന ..ഉദ്യോഗ  മേഖലകളില്‍ നിന്നുള്ളവരുടെ മക്കള്‍  ഇവിടെ പഠിക്കുന്നുണ്ട് .
ഒരു കണക്കിന് ഒരു സര്‍വ്വ കലാശാല യാണ് ഇത് .ജീവിതത്തെ തൊട്ട റിയാന്‍  സ്നേഹം എന്തെന്ന് മനസ്സിലാക്കാന്‍  ഓരോ നിമിഷവും സാധ്യമാകുന്നു .ഏഴാം തരത്തിലെ  കുട്ടികള്‍ക്ക്  ടീച്ചര്‍ വേര്ഷനും ഒപ്പം  ആല്‍ബവും തയാറാക്കി ക്കൊണ്ടി രിക്കുക യാണ് ഞാന്‍ . 
ആദ്യത്തെ  വായന തന്നെ രാജന്‍ കാക്കനാടന്റെ  യാത്രാ വിവരണം ആണ് .ഇന്ന്  ശ്രീമതി രാധാ കാക്കനാടനുമായി നടത്തിയ  ഫോണ്‍ ഇന്‍ പരിപാടി  ഗംഭീര വിജയമായി .എഴുത്തിന്റെ  കുടുംബ വട്ടം  നന്നായി ചര്‍ച്ച ചെയ്തു .കുട്ടികള്‍ ഇന്നലെ ത്തന്നെ ചോദ്യാവലി തയാറാക്കി യിരുന്നു .എത്ര  സാധൂകരണ മുള്ള പഠനം .

കുട്ടികളുടെ എഴുത്ത് ചര്‍ച്ച എന്നിവയില്‍ കാണുന്ന  പഠന വിടവ് വലുതാണ്‌ .നല്ല പ്രയോഗങ്ങള്‍ .മനസ്സില്‍ തട്ടുന്ന ഭാഷണം  ഇവയ്ക്കു അവര്‍ പ്രാപ്തരല്ല .
അതിലേക്കു അവരെ നയിക്കാന്‍ നന്നായി ശ്രമിക്കേണ്ടി വരും .
കുറച്ചകലെ ..കുറച്ചു കുട്ടികളുള്ള  ആ കുഞ്ഞു എല്‍ പി സ്കൂളിലേക്ക്  ഞാന്‍ ഒരു നോട്ടം  നല്‍കിയിട്ടുണ്ട് .കുറെ പുതുമ യാര്‍ന്ന പ്രവര്‍ത്തനങ്ങള്‍ ക്കു അവരെ സഹായിച്ചാല്‍  അവരും സ്വപ്ന നേട്ടങ്ങള്‍ക്ക്‌ ഉടമകള്‍ ആവുമെന്ന് ഞാന്‍ സ്വപ്നം കാണുന്നു .
ഇത്തവണ അധ്യാപക പരി ശീലനത്തില്‍  ദുഖിതയല്ല .എങ്കിലും ഇതിലുമെത്രയോ  എത്തിക്കാമായിരുന്നു എന്ന് ശ ക്തമായ തോന്നല്‍ ഉണ്ട് .
സ്വ പ്രയത്നം കൊണ്ട് എന്റെ പഠന വിടവ് നികത്തേണ്ടി വരും !
സ്കൂള്‍ തുറന്നപ്പോള്‍ എടുത്ത തീരുമാനം  നടപ്പാക്കാന്‍ കഴിയുന്നതിലും സംതൃപ്ത ...സ്വകാര്യ പരിപാടികള്‍ക്ക് സ്കൂള്‍ സമയം വിട്ടു നല്‍കുന്നതല്ല .അതും പാലിക്കാന്‍ കഴിയും എന്ന് കരുതുന്നു .
ശരി .വീണ്ടും എഴുതാം .

Tuesday, October 23, 2018

നല്ല  ദിനങ്ങളാണ്  ചുറ്റും .പുതിയ ജോലിയുടെ  പരി ശീലനം ഒത്തിരി ആഹ്ലാദം തരുന്നു .അതിനുള്ള  കോസ് ട്യൂം തയാറാക്കല്‍  ഉപകരണ ങ്ങള്‍ തയാറാക്കല്‍ എന്നിവ യാണെന്ന്  തോന്നുന്നു  ഏറ്റവും രസകരമായത്  .ഇന്നലെ റഷ്യ യിലെ താത്യാന  എന്ന  സ്ത്രീ  ഇന്ന് അമേരിക്കയിലെ  മിസ്‌  ഷിറി  നാളെ  ജപ്പാനിലെ  കിയാമു ....ഇതിനിടയില്‍  എവിടെ  ഞാന്‍ !വേണ്ടല്ലോ  .എനിക്കിവരൊക്കെ ആയാല്‍  മതിയല്ലോ  .കയിലെ മാന്ത്രിക  വടി കൊണ്ട്  ആകാശ ത്തില്‍  വൃത്തം വരയ്ക്കുമ്പോള്‍  നിറയെ നക്ഷത്രങ്ങള്‍ ..പിന്നെ അവ  സൃഷ്ടിക്കുന്ന  കഥാലോകം ...എന്തോരം കഥകളാ ...!
.ഒപ്പമുള്ള  എല്ലാവര്ക്കും നന്ദി . 

Saturday, September 29, 2018

ഹാവൂ .....മിന്നിച്ചു !


അറുപതു രക്ഷിതാക്കളും  പിന്നെ  അധ്യാപകരും അടങ്ങിയ കൂട്ടം  .ഏകദേശം  രണ്ടു മണിക്കൂര്‍  അവര്‍ക്കൊപ്പം .
ഷോര്‍ട്ട് ഫിലിമിലൂടെ ..
അനുഭവങ്ങളിലൂടെ  
പരസ്പരം പങ്കിട്ട  കുറെ തെളിവുകള്‍ 
ഉറപ്പുണ്ട് 
അനൌദ്യോഗികമായി  എഴുപതു വീടുകളില്‍  "ഫാമിലി  മാസ്റ്റര്‍ പ്ലാന്‍  "ഉണ്ടാകും 
അത് പ്രാവര്‍ത്തികമായാല്‍   വിദ്യാലയം വീണ്ടും  സവിശേഷ അനുഭവങ്ങള്‍ കൊണ്ട്  നിറയും 
കുട്ടികള്‍ക്ക്  ആരോഗ്യ മെനു [ഓരോ ആഴ്ചയിലും എന്തൊക്കെ  ഭക്ഷണം ?]
കുട്ടിയുടെ  ടാലന്റ്  തിരിച്ചറിയുക .
അധ്യാപകരോട്  അഭിപ്രായം ആരായുക 
വീട്ടില്‍ ഒരിടം ഒരുക്കണം .അത് സൌഹൃദ മുറി യാണ് 
ലൈബ്രറി  ,ചര്‍ച്ച  പത്ര മാസികകളുടെ  അനുഭവം പകരല്‍ .
കൂട്ടുകാരുടെ വിശേഷ ങ്ങള്‍ പങ്കു വയ്ക്കല്‍ 
വരച്ച ചിത്രങ്ങള്‍ കൊണ്ട്  മുറി അലംകരിക്കല്‍

ചുമതലാ വിഭജനം 
മൊബൈല്‍  കൊടുക്കാം ചില ചുമതലകള്‍ ക്കായി .
.കറന്റ്  ബില്ല അടയ്ക്കുക  വാട്ടര്‍ ബില്‍  അടയ്ക്കുക  രാത്രിയില്‍  എല്ലാ ബള്‍ബുകളും കെടുത്തിയിട്ടുണ്ടോ  എന്ന് നോക്കുക 
നല്ലത്  പറയുമ്പോള്‍ ചെയ്യുമ്പോള്‍  നെറ്റിയില്‍  ഒരുമ്മ 
മകനും മകള്‍ക്കും തുല്യത 
മാസത്തിലൊരിക്കല്‍  ഒന്നിച്ചുള്ള സിനിമ 
വര്‍ഷത്തില്‍  ചെറു യാത്രകള്‍ 
കഴിയുമ്പോഴൊക്കെ  സാമൂഹിക പങ്കാളിത്ത പ്രവര്‍ത്തനങ്ങള്‍ 
തെരഞ്ഞെടുത്ത്തുള്ള  ടി വി കാണല്‍ 
രക്ഷിതാവിന്റെ സ്കൂള്‍ സന്ദര് ശ ന തീയതി ഒന്നിച്ചു തീരുമാനിക്കല്‍ 
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,അങ്ങനെ  മാസ്റര്‍ പ്ലാന്‍ .ഇനിയും ഒത്തിരിയുണ്ട് 
ഒരു പ്രകാശ നം   വേണമല്ലോ 
എവിടെ വച്ചാകാം?
എങ്ങനെ ?
അതൊക്കെ പിന്നീട് ,ആദ്യം തയാറാകട്ടെ

ഭയമുണ്ട്  .വിദ്യാഭ്യാസ വിചക്ഷണ അല്ല .വിലക്ഷണ ആണ് താനും !ഉള്ള  കഞ്ഞിയില്‍  പാറ്റ  വീഴുമോ !
അതുകൊണ്ട്  ജോലി  ...എഴുത്തുകാരി  എന്ന് വച്ചു  .അല്‍പ്പം അഹങ്കാരമാണ്  എങ്കിലും .
വീടും വിദ്യാലയവും തമ്മിലുള്ള അന്തരം വളരെ ഏറെ യാണ്  ഇപ്പോള്‍ .രക്ഷാകര്തൃ ബോധാനത്ത്തിനു  വിളിച്ചാല്‍ ആരും വരാതായി 
അതിനൊരു മാറ്റം ഉണ്ടാകണ മെങ്കില്‍ അവര്‍ കൂടി  ഈ പ്ലാനിന്റെ  ഭാഗമാകണം 
ആകും .






  
എന്റെ  വിദ്യാലയം  നഗരത്തിലെ സവിശേഷ മായ  ഒന്നാണ് . മൂവായിരത്തിലേറെ കുട്ടികള്‍ പഠിക്കുന്ന  സജീവത അനുഭവിപ്പിക്കുന്ന വിദ്യാലയം .രക്ഷിതാക്കള്‍  ഏറെ  തിരക്കുള്ളവര്‍ .എങ്കിലും മിക്ക കാര്യങ്ങളിലും സഹകരിക്കുന്നവര്‍ .ഇന്നലെയാണ് അക്കാദമിക മാസ്റ്റര്‍ പ്ലാനില്‍  രക്ഷിതാക്കള്‍ക്കുള്ള  പങ്കിനെ ക്കുറിച്ച് ഞാന്‍ വീണ്ടും ആലോചിച്ചത് .ലോകമൊട്ടാകെ  വളരെ  ക്രിയാത്മകമായി  രക്ഷിതാക്കള്‍ക്കും സ്കൂളിനും തമ്മിലുള്ള  ബന്ധം വിപുലപ്പെടുമ്പോള്‍  നമ്മുടെ  കാര്യത്തില്‍ അതല്‍പ്പം നിരാശാജനകമായ  ഒന്നാണ് .ഏറ്റവും പുതിയ കാലത്തേക്ക് കുട്ടികളെ സജ്ജമാക്കത്തക്ക രീതിയില്‍  എന്ത് ഇടപെടലാണ് രക്ഷിതാവിനു പ്ലാനില്‍ ചെയ്യാനാവുക "?വാസ്തവത്തില്‍  ഒരു അദ്ധ്യായം തന്നെ നീക്കി വെയ്ക്കേണ്ടി യിരുന്നു .
ക്ലാസ് തല അക്കാദമിക മാസ്റര്‍ പ്ലാന്‍ തയാറാക്കുമ്പോള്‍  ഇതിനെ ക്കുറിച്ച് കൂടുതല്‍ ചിന്തിച്ചു
പുതിയ  വിധികള്‍
കുട്ടികളുടെ അവകാശ ങ്ങള്‍
കലാ കായിക ആരോഗ്യ പ്രവര്ത്തനങ്ങള്‍
ഇ ലേണിങ്ങ്
 മൂല്യ ബോധങ്ങളിലെ മാറ്റവും വളര്‍ച്ചയും
പ്രാദേശിക  സാമൂഹിക സാഹചര്യങ്ങള്‍
കുടുംബം .....
ഇങ്ങനെ നിരവധി കാര്യങ്ങള്‍  അവര്‍ക്ക് തുണ വേണ്ടതുണ്ട്
ഒരു 
"ഫാമിലി  അക്കാദമിക  മാസ്റര്‍ പ്ലാന്‍ "ആയാലോ
ഇന്ന് ഞെക്കാട് സ്കൂളില്‍ പാരെന്റിംഗ്  ആണ്
അത് ട്രൈ ഔട്ട്‌ കൂടി  ആക്കുകയാണ്
ഫലം  വിപരീതമാകില്ലെന്നു റ പ്പ്
പക്ഷെ കൂടുതല്‍  വിപുലീകരിക്കേണ്ടി വരും